Стамбұл - тәңірдің сыйы шын
Тұлғалы Топкапы сарайы,
Еңселі Румелі мүйісі.
Тербетер Галата көпірін,
Думанды жанкүйер нөпірі.
Ойнайды бұғазда делфиндер
Мұхиттың адасқан өкілі.
Басатын құмарын қазының
Дап-дайын кәуабы, мәзірі.
Баклава тәттінің патшасы,
Жанында күрең шай-уәзірі.
Күлімкөз даяшы сыйы кең,
Қонақжай құшаққа сүйінем.
Аңқиды хорхордың иісі
Тербеліп Дервиштің биімен.
Көмкерер тұманы теңізін,
Ах, шіркін, Мәрмәрім дегізіп.
Азанның дауысы алқапқа
Жайылып жатады тегі ұзын.
Жұмада жиналып бастары,
Мешітке жөңкілген жас-кәрі.
Стамбұл-сен менің бітпейтін
Студент шағымның дастаны.
Комментариев нет:
Отправить комментарий